Den 19. desember 2024 gjennomførte CRIST-verftet i Polen kjølstrekkseremonien for det neste ULSTEIN SX222-designet, Ulstein Verft sitt bygg nummer 323. Skipet vert bygd på oppdrag frå institusjonelle investorar.
Fartøyet er basert på det innovative ULSTEIN TWIN X-STERN-designet, og er eit prov på Ulstein sitt engasjement for å fremje maritim teknologi. Dette nye havvindserviceskipet (Commissioning Service Operation Vessel - CSOV) er 89,6 meter langt og 19,2 meter breitt. Fartøyet vil bli utstyrt med eit hybrid batterisystem og vere førebudd for grøn metanol for å mogleggjere karbonnøytral drift.
Brennestarten for dette fartøyet var i oktober i år
Den 1. oktober 2024 vart det arrangert brennestartsseremoni ved skrogverftet Crist for Ulstein Verft sitt byggnummer 323. CSOV-skipet er basert på den prisvinnande TWIN X-STERN-plattforma og er designa av Ulstein Design & Solutions AS.
Ulstein Verft skal bygge to CSOV-skip av ULSTEIN SX222-designet. Kontraktane er inngått på vegne av institusjonelle investorar under leiing av J.P. Morgan Asset Management og inkluderer to opsjonar.
