Fasilitetar ved verftet

Ulstein har over hundre års erfaring, og Ulstein Verft og Ulstein Elektro Installasjon er kjende i skipsbyggingsbransjen for sin solide kompetanse og kvalitet på arbeidet. Vi er eit tredjegenerasjons, familieeigd føretak og vert drivne av verdiane våre; Innovere, Engasjere, Avansere.

Våre team er dyktige innan ei rekke område som HVAC (ventilasjon), innreiing, stabilitet, maskineri, skrogstruktur, installasjon og integrasjon av utstyr og elektriske system. I Ulstein set vi pris på kunnskapsdeling og erfaring der våre tilsette vert oppmoda til å utforske og gjennomfør nye idear.

Vi utfører skipsbygging i form av nybygging og ombygging, inkludert skipsdesign og engineering, og tilbyr også eit breitt spekter av tenester for ettermarknaden, mellom anna vedlikehald, reparasjon, klassing, dokking og oppgraderingar. 

Avdelinga for tungløft ved Ulstein Verft spelar ei nøkkelrolle når ein skal flytte eller løfte tungt utstyr og seksjonar. Med rett utstyr og folk kan vi jobbe raskt og effektivt ved eige verft, eller vi kan ta på oss oppdrag langs norskekysten.

Vi har også eiga avdeling for rørproduksjon som sikrar kortare leveringstid i nybygg- og ettermarknadsprosjekt. Avdelinga tek også på seg oppdrag for eksterne kundar som treng kvalitetsrør. 

Ulstein Verft er sentralt plassert i Ulsteinvik nær Ålesund, sentralt i den maritime klynga på Sunnmøre.